Prezident İlham Əliyevin 28 dekabr 2024-cü il tarixli Sərəncamına əsasən, 2025-ci ilin ölkəmizdə “Konstitusiya və Suverenlik İli” elan olunması ilə əlaqədar silsilə tədbirlər davam etdirilir. Bu çərçivədə mayın 8-də Azərbaycan Respublikasının Gənclər Fondu, Naxçıvan Muxtar Respublikası Ədliyyə Nazirliyi, Gənclərin İnkişaf və Karyera Mərkəzi və “Gənc Könüllülər” İctimai Birliyinin birgə təşkilatçılığı ilə Naxçıvan Muxtar Respublikası Ədliyyə Nazirliyində Ümummilli Lider Heydər Əliyevin anadan olmasının 102-ci ildönümünə həsr olunmuş “Ulu Öndər irsi və Konstitusiya dəyərləri” mövzusunda gənclərlə görüş təşkil edilib.
Tədbirdə Naxçıvan Muxtar Respublikasının ədliyyə naziri vəzifəsini icra edən Hüseyn Səfərov və Azərbaycan Respublikasının Gənclər Fondunun icraçı direktoru vəzifəsini icra edən Qədir Xəlilov çıxış edilbər.
Hüseyn Səfərov çıxışda müstəqil Azərbaycanın hüquqi və konstitusion təməlinin formalaşmasında müstəsna rolu olan Ümummilli Lider Heydər Əliyevin misilsiz fəaliyyətindən bəhs edib. O, vurğulayıb ki, “Ulu Öndərin rəhbərliyi ilə ölkəmiz müstəqilliyini bərpa etdikdən sonra hüquqi dövlət quruculuğu sahəsində mühüm addımlar atılıb. Məhz onun təşəbbüsü ilə 1995-ci ildə ilk Konstitusiyamız qəbul olunub. Bu sənəd hüquq və azadlıqların təminatı ilə yanaşı, milli birliyin və dövlət suverenliyinin əsasını təşkil edir”.
Gənclər Fondunun icraçı direktoru vəzifəsini icra edən Qədir Xəlilov tədbirdə gənclərə müraciətlə bildirib ki, Konstitusiya dəyərlərinə sadiqlik, qanuna hörmət və vətəndaş məsuliyyəti müasir gəncin başlıca keyfiyyətləri olmalıdır. Gənclər Fondu hüquqi maarifləndirməni daim prioritet hesab edir və gənclərlə bu cür görüşlərə xüsusi önəm verir.
Eyni zamanda, Bakıda Gənclər Təşkilatlarının Resurs Mərkəzində Gənclərin İnkişaf və Karyera Mərkəzi tərəfindən gənclər üçün təşkil edilmiş interaktiv görüşdə iştirak edən ictimai-siyasi xadim və diplomat Həsən Həsənov onlayn şəkildə tədbirə qatılıb. O, tədbirin əhəmiyyətini vurğulayaraq dahi şəxsiyyət Heydər Əliyevin siyasi fəaliyyətindən geniş bəhs edib, Ulu Öndərlə bağlı xatirələrini bölüşüb. Ulu Öndərin dövlət quruculuğu yolundakı fəaliyyəti, beynəlxalq tədbirlərdəki iştirakı, dünyanın aparıcı ölkələri və siyasi xadimləri ilə danışıqları, Azərbaycanan dünyaya tanıtması istiqamətindəki fəaliyyətinin canlı şahdi olduğu tarixi hadisələr barədəki çıxışını tədbir iştirakçıları tərəfindən maraqla qarşılanıb.
